2011 оқу жылынан бастап жастар ісі бөлім маманы Қонақбаева Бақыт Көбекқызының басшылығымен жұмыс жасап келеді. «Жас қалам» жас көркемсөз шеберлері мен жас ақындар клубында 50-ден астам белсенді студенттер бар. Клубтың студенттік жетекшісі Айтмұратов Заманбек. «Жас қалам» көркем сөз шеберлері мен жас ақындар клубының құрамына университетіміздің поэзиясына құштар студент жастар кіреді. «Жас қалам» жас көркемсөз шеберлері мен жас ақындар клубы поэзия әлемінде жас ақындар қалалық, облыстық, республикалық деңгейдегі түрлі байқаулардың жеңімпаздарымен жыл сайын толықтырылып келеді.
Клуб мақсаты – студенттер арасында рухани-әдеби орта қалыптастыру, көркемсөз оқушылар мен өлең жазатын талантты жастардың шығармашылығын көпшілікке таныстыру.
Жастардың бойындағы көшбасшылық дағдыларын, шешендік өнерді, ұшқыр ойлықты дамыту;
Клуб міндеттері:
Студенттерді республикалық, облыстық, қалалық байқаулар мен жыр мүшәйраларына қатыстыру арқылы талантты жеке тұлға ретінде қалыптастыру.
Ақын-жазушылармен кездесу, дөңгелек үстел, т.б. іс-шаралар ұйымдастыру арқылы жастардың шығармашылық қабілетін дамыту, ой-өрісін кеңейту, көркем әдебиетке деген құлшынысын арттыру;
Студенттердің шығармашылық жұмыстарын басылым беттерінде жариялау.
Жүйелі тапсырмалар беру арқылы ізденуге үйрету, шығармашылық жұмыстар жүргізу.
Қазақтың ұлы ақын-жазушыларының шығармалары арқылы студенттердің бойында рухани-адамгершілік, имандылық, патриоттық қасиеттерін арттыру;
Дарынды жастарды анықтау және оларға шығармашылық тұрғыдан қолдау көрсету;
Жастардың рухани әлеуетін арттыру.
